Mbrëmjen e djeshme këngëtarja Ledina Çelo është rikthyer tre vite pas nw kohw, ne kohën kur prezantoi Festivalin në RTSH. Asokohe Ledina u kritikua pasi kishte veshur një fustan tërësisht transparent që ekspozonte trupin.
E ftuar në emisionin “Xing me Ermalin”, këngëtarja tregoi se nuk dinte që fustani ishte kaq i tejdukshëm dhe se kur e pa veten në ritransmetim nuk i pëlqeu.
“Ky është gabimi në Shqipëri që fatkeqësisht nuk bëhet asnjëherë provë gjenerale. Jam shumë e sinqertë që nuk u bë asnjëherë një provë gjenerale. Kur pashë ritransmetimin e festivalit e pashë veten dhe nuk më pëlqeu. Nuk doja të isha ashtu. Unë kam qenë gjithmonë ekstravagante dhe nuk i paragjykoj artistet që e ekspozojnë veten. Por këtu nuk u bë një provë gjenerale dhe nuk u pa transparenca aq e madhe e fustanit”, u shpreh Ledina, ndërsa tregoi edhe reagimin e bashkëshortit.
“Kur u ktheva nga festivali thashë obobo ç’do më thotë bashkëshorti. Ma tha me stil: E teprove pak. Mos dil kaq shumë”, tregoi këngëtarja.
E ftuar në “Xing me Ermalin”, Ledina Çelo e ka çmendur publikun me performancat e saj gjatë një loje të quajtur “Kërce me stil”. Ledina dhe Ermali duhet të kërcenin herë sikur i kruhej kurrizi, herë sikur po shkundin xhinset e herë sikur po ngisnin kalin.
Ledina dukej shumë joshëse teksa performonte këto kërcime siç mund ta shihni edhe në videon e mëposhtme.
