Rritet numri i të shoqëruarve në Policinë e Durrësit lidhur me dëmet që pësuan banesat pas tërmetit tragjik të 26 nëntorit. Disa funksionarë në institucione shtetërore do të merren në pyetje, pasi dyshohet se kanë përgjegjësi për sigurinë e ndërtesave.
Bëhet fjalë për nëndrejtorin e Kadastrës Durrës, Arben Isaku; shefin e sektorit në Kadastrën e Durrësit, Aldo Dakovelli dhe Artemis Malko punonjës terreni.
Mësohet se Prokuroria ka lëshuar 18 urdhër-ndalime. Mes tyre dy ish-drejtues të ALUIZNI-t, Arben Isaku, Flamur Gjuzi, si dhe inxhinierë, arkitektë dhe kolaudatorë.
Gjuzi ka qenë i shpallur në kërkim për tjetërsim prone, kurse Arben Isaku, ish drejtori i Legalizimeve në këtë qytet, është numri 2 i Partisë Socialiste në Durrës.
Po ashtu, policia ka ndaluar edhe drejtori dhe nëndrejtori i Kavalishencës, Ahmet Doda dhe Kujtim Hasa.
