Situata epidemiologjike e Covid-19 po përkeqësohet nga dita në ditë në vendin tonë, pasi shifrat janë rritur në mënyrë të ndjeshme.
Për këtë arsye, Komiteti Teknik i Ekspertëve ka marrë disa vendime të cilat janë:
1. Kufizimi i lëvizjes nga ora 22:00 – 06:00 në të gjithë vendin, me përjashtim të lëvizjes për motive pune, emergjenca shëndetësore apo nevoja të domosdoshme.
2. Ndalohen aktivitetet e bareve – restoranteve nga ora 22:00 – 06:00 (përvec shërbimit delivery).
3. Smart-working për administratën publike (sipas specifikës së sektorit) në zbatim të protokolleve të sigurisë. Përjashtim bëjne strukurat ofruese të shërbimeve duke zbatuar protokollet e sigurisë.
Këto masa do të hyjnë në fuqi më 11 nëntor dhe do të zgjasin për 3 javë.
“Këto masa do të hyjnë në fuqi të mërkurën dhe do të zgjaten për 3 javë. Secili prej nesh e ka në dorë që të ndalojë përhapjen e Covid-19. U bëjmë thirrje qytetarëve që të mbajnë maskën në çdo ambient, të ruajnë distancën dhe higjienën personale”, tha drejtuesja e Komitetit dhe njëkohësisht zv.Ministrja e Shëndetësisë, Mira Rakacolli.
