Sikundër Shqipëria, edhe Kosova pritet të ashpërsojë masat teksa jemi në prag të festave. Pritet që kryeministri Hoti të prezantojë masat e reja, në një konferencë shtypi. Në njoftimin e radhës, ai njofton qytetarët se masat e reja pritet të miratohen nga Qeveria dhe të hyjnë në fuqi nga data 23 dhjetor.
Indeksonline ka siguruar disa nga masat e reja që do të hyjnë në fuqi nga nesër. Orari i lëvizajes do të shtyhet dhe do të vlejë në të gjitha komunat. Nga ora 05:00 deri në orën 20:00 do të lejohet orari i lëvizjes dhe puna e bizneseve. Operatorët ekonomikë lejohen të punojnë nga ora 05:00-20:00, qendrat tregtare lejohen të punojnë nga 05:00-20:00.
Shërbimet e hotelerisë dhe gastronomisë lejohen të punojnë nga ora 05:00, ndërkaq pas orës 20:00 punojnë me shërbimin delivery.
Statusi
Komuniteti i biznesit kërkon që Kuvendi të mos shpërndahet para miratimit të buxhetit 2021
Sot zhvillova një takim virtual me komunitetin e biznesit në vend, të cilët i informova në hollësi me masat e reja anti Covid-19, që pritet të miratohen nga Qeveria dhe të hyjnë në fuqi nga data 23 dhjetor 2020.
Komuniteti i biznesit ofroi mbështetje për masat e reja anti Covid-19 dhe insistoi që Kuvendi të mos shpërndahet pa e miratuar buxhetin 2021. I sigurova ata se jam në komunikim të vazhdueshëm me grupet parlamentare dhe se po angazhohem maksimalisht që përbërja aktuale e Kuvendit të miratoj buxhetin për vitin e ardhshëm, si dhe disa marrëveshje ndërkombëtare që lidhen me buxhetin.
U pajtuam se buxheti është parakusht për krijim e pakos së re dhe zbatimin e masave për rimëkëmbje ekonomike, respektivisht mbështetje ndaj bizneseve të prekura nga pandemia Covid -19.
