Duke filluar nga dita e hënë, dyqanet, restorantet dhe shkollat do të mbyllen në pjesën më të madhe të Italisë, teksa kryeministri Mario Draghi paralajmëron për një “valë të re” të shpërthimit të koronavirusit.
Për tre ditë gjatë Pashkëve, 3-5 Prill, do të ketë një mbyllje totale. Italia, e cila një vit më parë vendosi një nga bllokimet e para kombëtare, po lufton edhe një herë për të përmbajtur përhapjen e shpejtë të infeksioneve, shkruan BBC.
Vendi ka raportuar më shumë se 100,000 vdekje nga Covid-19, numri i dytë më i lartë në Evropë pas Mbretërisë së Bashkuar.
Cilat janë rregullat e reja në Itali?
Nga e hëna, shkollat, dyqanet dhe restorantet do të mbyllen në më shumë se gjysmën e Italisë, duke përfshirë dy rajonet më të populluara që përmbajnë Romën dhe Milanon.
Banorëve do t’u kërkohet të qëndrojnë në shtëpi përveç për arsye pune, shëndetësore apo arsye të tjera thelbësore.
Fushata e vaksinimit në Itali është përballur me vonesa. Ishulli i Sardenjës është i vetmi rajon ku shkalla e infektimit është e ulët.
