Sipas prestigjiozes Forbes, në botë janë rreth 2,200 miliarderë. Shumë prej tyre iu është dashur të punojnë për shumë vite që të arrijnë atë shumë. Të tjerë kanë pasur fatin dhe kanë lindur në familje të pasura. Dhe kështu veçse kanë ndjekur biznesin e familjes, e në disa raste e kanë rritur edhe më tepër.
Por, janë disa njerëz të cilët e kanë bërë pasurinë e tyre, në më pak se një dekadë. Mirëpo, kjo nuk do të thotë që ata nuk kanë punuar shumë për ta arritur këtë gjë. Përkundrazi, i janë dedikuar jashtëzakonisht shumë ideve inovative. Më poshtë, ju sjellim listën me 10 miliarderët që e kanë krijuar pasurinë në më pak se 10 vite.
10- Jeff Bezos: 6 vjet. Shefi i kompanisë Amazon, ka një pasuri prej 165 miliardë $.
9- Eduardo Saverin: 6 vjet. Sipërmarrësi brazilian, ishte nga aksionerët fillestarë të Facebook. Sot zotëron 11.6 miliardë $.
8- Mark Zuckerberg: 4 vjet. Themeluesi i Facebook, u bë miliarder kur ishte vetëm 23-vjeç. Sot ka 75 miliardë $.
7- David Filo & Jerry Yang: 4 vjet. Ishin studentë, kur themeluan faqen e mirënjohur të internetit Yahoo në vitin 1994. Në vitin 2017, e shitën për 4.48 miliardë $.
6- Mark Kuban: 4 vjet. Krijoi Broadcast.com, që më vonë u ble nga Yahoo. Sot ka 4.1 miliardë $.
5- Patrick & John Collison: 4 vjet. Themelues të “Stripe”, që merret me miliarda transaksione financiare çdo vit. Në vitin 2016, “Stripe” vlente 9 miliardë $.
4- Evan Spiegel & Bobby Murphy: 3 vjet. Themelues të aplikacionit “Snapchat” në vitin 2011. Më 2014, kompania e tyre vlente mbi 1 miliardë $.
3- Pierre Omidyar: 3 vjet. Themelues i uebsajtit të shitjeve “ebay”. Sot ka 13.8 miliardë $.
2- Sean Parker: 1.5 vjet. Presidenti i parë i Facebook në vitin 2004. Më vonë themeloi Napster. Sot ka 2.7 miliardë $.
1- Jay S.Walker: 1 vit. Krijoi në vitin 1997 “Priceline”, faqe e internetit kur rezervohen udhëtime./ TIRANA TODAY
