Nga 1 qershori do të ndalohet prodhimi, shitja dhe futja e qeseve plastike për përdorim individual. Kryeministri Edi Rama, nëpërmjet një statusi në Facebook, shprehet se nga e mërkura nis një epokë e re për vendin.
“MIRËMËNGJES
dhe duke ju kujtuar se prej të mërkurës nis një epokë e re për Shqipërinë patriotike, me ndalimin e qeseve plastike njëpërdorimshe në favor të mbrojtjes së atdheut të fëmijëve tanë, ju uroj një javë të mbarë”.
Në 17 mars Parlamenti miratoi ligjin për ndalimin e prodhimit dhe tregtimit të qeseve plastike, pasi ka rezultuar si ndotësi kryesor i mjedisit. Tashmë shqiptarët do t’i kthehen zakonit të torbave.
