Prej Prillit qytetarët duhet të paguajnë taksën mbi pronën. Përllogaritja do të bëhet në bazë të vlerës së ndërtesës dhe do të paguhet në faturën e energjisë. Nga kjo taksë përjashtohen 10 kategori, ndër ta pensionistët dhe hotelet me pesë yje.
Taksa mbi ndërtesat për banim do të jetë 0.05% e vlerës reale të ndërtesës, ndërsa për bizneset do të jetë 0.15%.
Por, sa do të ndikojnë në xhepin e shqiptarëve këto vlera? Sipas deputetit të PD-së Florjon Mima dhe ekspertit të ekonomisë Adrian Civicit, kjo taksë do të rëndojë ekonominë e më shumë se 70% të njerëzve.
Ekspertët e ekonomisë i bëjnë thirrje qeverisë që të bëjë kujdes me taksat. Dhe se zgjidhja më e duhur nuk është shtimi i tyre, por lufta që duhet të bëhet kundër informalitetit. Tirana Today
