Në SHBA, hotelet, zonat sportive, konviktet dhe ndërtesat e tjera me gjasë do të shndërrohen në dhoma spitali. Teksa numri i rasteve me koronavirus rritet dhe ai bëhet epiqendra e shpërthimit në Shtetet e Bashkuara, Presidenti Donald Trump e ka shpallur New York-un një zonë të rrezikshmërisë së lartë.
New York-u ka numrin më të madh të rasteve të konfirmuara me COVID-19, me 8403 të infektuar dhe 46 vdekje. Ushtria amerikane do të jetë gati për ndihmë, dhe trupat amerikane ushtarake të inxhinierëve kanë thënë se po planifikojnë të shndërrojnë hotelet, zonat sportive, konviktet dhe ndërtesa të tjera në dhoma spitali.
Kryebashkiaku i New York-ut, Bill de Blasio, nxiti Trump të dërgojë ushtrinë dhe mbështetje logjistike për të fuqizuar vendet e goditura ashpër.
New York-u është qyteti më i prekur nga koronavirusi në SHBA. Qyteti është kthyer në fantazmë, dhe nuk ka më jetë sociale.
