Guvernatori i New York, Andrew Cuomo njoftoi se numri i personave të vdekur nga koronavirusi në vend ka pësuar një ulje.
Sipas tij, të shtunën janë regjistruar 367 viktima, 70 më pak se një ditë më parë ku u shënuan 437 persona të vdekur.
Cuomo tha se shkalla e transmetimit, si dhe shkalla e vdekjes në ditët në vijim do të jenë 2 faktorët, që do të diktojnë si dhe kur do të rihapet vendi.
Guvernatori theksoi se do të ishte e pamundur, që t’i kërkonte qytetarëve që të qëndrojnë në shtëpi në mënyrë të pacaktuar, pa asgjë për të bërë gjatë verës
“Këtu ekziston një ekuacion i shëndoshë,” thotë ai, duke treguar raportet që dhuna në familje, abuzimi i drogës dhe alkoolit dhe problemet e shëndetit mendor tashmë janë rritur.
New York është vendi më i prekur nga COVID-19 në SHBA. Ai shënon më shumë se 293 mijë raste infektimi dhe mbi 22 mijë viktima.
