Cristiano Ronaldo është njeriu i rekordeve, por njëri prej rekordeve që ka vendosur në karrierën e tij të jashtëzakonshme tashmë nuk ekziston më, sepse është thyer nga Manuel Neuer.
Fitorja e bavarezëve kundër Salzburgut ka qenë e katërta radhazi në këtë edicion të Champions League për portierin gjerman.
Nëse shtohen edhe 11 fitoret e marra në edicionin e kaluar, të fituar nga Bayern Munich pa lënë mbrapa asnjë pikë, arrihet në 15, e cila është një rekord për kompeticionin.
Portieri gjerman njeh vetëm fitore në Europë prej më shumë se një viti. Ndeshja e fundit pa fitore ka qenë në marsin e 2019-ës, humbja 3-1 kundër Liverpool-it që i ka kushtuar eliminimin bavarezëve në atë edicion.
Ronaldo e kishte vendosur rekordin me fanellën e Real Madrid, gjatë sezoneve 2013/14 (ai i Decima-s) dhe 2014/15.
