Mbështetës të opozitës së bashkuar në qytetin e Laçit janë grumbulluar para Pallatit të Kulturës, teksa protestojnë kundër zhvillimit të zgjedhjeve vendore që mbahen ditën e nesërme.
Me thirrjet “Rama ik”, protestuesit, përveç largimin e Ramës nga pushteti, kërkojnë që zgjedhjet më 30 qershor të mos zhvillohen.
Ndërkohë, protesta po mbahen edhe në Tiranë, ku disa militantë të opozitës janë mbledhur në KZAZ-në që ndodhet në Kombinat dhe në zonën e Astirit.
Kujtojmë se mbrëmjen e djeshme janë shënuar përplasje të forta në Dibër mes punonjësve të policisë dhe protestuesve.
