Nesër jepet verdikti për “Prokuroren e hekurt”, Doloreza Musabelliu. Ajo është kandidate për Prokurorinë e Posaçme. Në seancën dëgjimore ajo u përball me një raport të DISK, ku ndaj saj kishte dyshime për korrupsion pasiv dhe dekonspirim të informacioneve për një çësthje të bujshme.
Kujtojmë që prokurorja që konsiderohet si ‘gruaja e hekurt’ e SPAK-ut për shkak të dosjeve që ka çuar në gjykatë, hetimit për herë të parë të Emiljano Shullazit dhe të “Eskobarit” të Ballkanit. Ajo nuk ka asnjë pasurie të paluajtshme, vetëm pagën si prokurore.
Nga ana tjetër Prokurorja Doloreza Musabelliu hodhi poshtë si të pavërtetë raportin, ndërsa tha se ishte tronditur. “Lidhur me raportin e dytë të DSIK për pastërtisë së figurës kam pësuar shok. Kjo si pasojë e një raporti të paligjshëm. Ka dashakeqësi dhe abuzivitet. Punonjësit e DSIK duhet të kishin kryer të paktën dy verifikime, nëse unë isha njohur me informacionin e klasifikuar të M.M. dhe nëse kam hetuar atë”, tha ajo.
Komisioni i Pavarur i Kualifikimit konstatoi edhe disa mospërputhje në pasurinë e bashkëjetuesit të prokurores. Problemi më serioz kishte të bënte me e një makine tip Volkswagen të blerë në vitin 2009 nga bashkëjetuesi në vlerën 10 mijë euro, me të ardhura të pajustifikuara.
