Aktualitet

“Nuk jepen më në dorë”, Braho flet për kaosin e krijuar me ndihmat ushqimore


               Publikuar në : 12:06 - 03/12/19 B H

Nënkryetari i Bashkisë së Durrësit, Arbër Braho, ka folur në lidhje me kaosin e krijuar pas tërmetit, si dhe ankesat e shumta të banorëve. Shumë banorë në qytetin bregdetar janë shprehur se nuk janë pajisur me ndihma ushqimore.

Në një prononcim për News24, Braho tha se qendra ku banorët po kërkojnë ndihma ka qenë e mbyllur që nga dita e shpalljes së emergjencës dhe detyra kryesore  e saj është të respektojë urdhrin që vjen nga bashkia.

Sipas tij, qendra në fjalë shërben si mbështetje e banorëve që janë strehuar në hotelet e vendit. Braho shtoi se urdhri për mbylljen e kësaj qendre ka ardhur nga qeveria shqiptare.

“Kjo derë ka qenë e mbyllur që nga shpallja e emergjencës. Kjo pikë ka shërbyer për magazinim. Kjo pikë furnizon hotelet dhe pikat ku janë strehuar njerëzit. Këto duhet të shkojnë në bashki, bashkia merr masa që të akomodohen  në hotel, bashkia më jep urdhrin dhe unë i përgatis. Duhet një orë e përpara që t’i lënë shtëpitë ku janë dhe të akomodohen nëpër hotele. Ky dokument shërben për t’u regjistruar në bashki, bashkia iu merr dhe iu çon nëpër hotele. Ndihmat në dorë nuk jepen më, ky është vendimi i qeverisë. Hapi i parë të garantojnë  kokën, ushqimi dhe mjeku garantohet në hotel”,tha ai.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT