Nga e hëna deri në mesjavë, moti në Shqipëri do vijojë me kthjellime dhe vranësira kalimtare. Më të shpeshta vranësirat paraqiten në zonat veriore.
Pjesa e dytë e javës fuqizon vranësirat në territor, duke sjellë edhe reshje në shumë zona të Shqipërisë.
Temperaturat pritet të ulen të hënën, dhe përgjatë javës, ku minimumi pas mesjavës mund të zbresë pranë 0°C në zonat e thella veriore, duke krijuar mundësi për shfaqjen e reshjeve të pakta të dëborës, në majat e maleve në veri dhe verilindje.
