Presidenti i Kosovës Hashim Thaçi dhe kreu i Lëvizjes Vetëvendosje Albin Kurti pritet që të zhvillojnë një takim nesër në mesditë.
“Në letrën e dërguar Presidentit, Kryetari Kurti ka theksuar se më datën 6 janar në orën në të cilën mundet Presidenti, do të mund të takoheshin. Dhe po, nesër pritet të mbahet takimi”, kanë thënë nga Zyra për Media e VV-së, për “Express”.
Para këtij takimi LDK do të mbajë dy mbledhje të rëndësishme, atë të Kryesisë dhe të Grupit Parlamentar, e cila thuhet se do të jetë edhe lëvizja e fundit e LDK-së për të qartësuar qëndrimin e saj, kundrejt koalicionit me VV-në.
