Aktivistja Evi Kokalari ka reaguar pas sulmeve që janë bërë në drejtim të saj ditët e fundit, pasi ajo iu bashkua “Foltores” së ish-kryeministrit Sali Berisha.
Shqiptaro-amerikanja e njohur në mjediset republikane në Nju Jork, ka krijuar shumë zhurmë, pasi është shfaqur në “Foltoren” e doktorit. Ajo paralajmëron kritikët se diçka që duhet ti tremb është karakteri i saj, parimet, kurajo dhe lidhjet me të djathtën amerikane.
Kokalari është shfaqur në “Foltoren” ish-liderit të PD-së Sali Berisha, duke shprehur mbështetjen e thellë për të. Ajo ka thënë më herët se kryedemokratit Lulzim Basha nuk i ka mbetur më asgjë veç vulës, pasi baza e partisë është me Berishën.
Statusi
Këta mjatistët dhe Bashaistët që i trëmben mbiemri im, nuk kuptojnë që mbiemri Kokalari nuk më ka hapur asnjë derë në Amerikë.
Nëse ka diçka qe duhet t’ju trëmbi, duhet të jetë karakteri im, parimet e mia, kurajo që kam dhe lidhjet e mia me të djathtën amerikane, të cilën do e shfrytezoj në maksimum që të ndihmoj opozitën e vërtet në Shqipëri. Me pak fjalë dua të them se të njëjtën punë do të kisha bërë, çfarë do që të ishte mbiemri im.
