Politikani Neritan Ceka, në emisionin ‘Provokacija’, ka treguar një histori personale, që nuk e kishte ndarë me herët me publikun. Para dy viteve, Ceka i ka puthur dorën kryetares së LSI-së, Monika Krymadhi, dhe kjo lidhet me gjestin që ajo kreu ndaj Ramës.
Bëhet fjalë për periudhën kur Kryemadhi qëlloi me çizme në Parlament kryeministrin Edi Rama, pas zgjedhjes së njëanshme të kryeprokurores Arta Marku. Ai sqaroi më tej në emision se e kishte vlerësuar këtë akt të kryetares së LSI-së, ndaj i kishte puthur dorën.
“Dua të tregoj një gjë konfidenciale për Kryemadhin. Nuk jam ulur të pi ndonjë kafe ndonjëherë me Monikën, dhe u takova një ditë në rrugë dhe i thashë me çfarë dore e qëllove me çizme kryeministrin, dhe i kam puthur dorën se ka bërë një gjest të madh për popullin shqiptar”.
Dua të ndaj gjestin, Vilhem Teli nuk ka krijuar parti, por është vetëm për këtë gjest për diktatorin. Nuk e qëlloi, por shkaktoi një kryengritje. Nuk jam dakort as me Monikën as me Lul Bashën, sepse s’kanë program”, tha ai.
