Kryeministri Edi Rama bashkë me ministrin turk të Mjedisit, Murat Kurum kanë nënshkruar sot marrëveshjen e bashkëpunimit për ndërtimin e 500 banesave nga Turqia.
Rama deklaroi se Turqia do t’i ndërtojë këto banesa në zonën e Laçit. Kreu i qeverisë premtoi transformim të rëndësishëm të gjithë situatës urbane, e cila sipas tij do i japë zgjidhje edhe situatës së përmbytjeve në këtë zonë.
“Si dhe është bërë e ditur dje gjatë një konference për shtyp tani jemi në fazën e dytë të këtij projekti dhe kemi ardhur në fazën e nënshkrimit të këtij bashkëpunimi. Janë 500 njësi të reja banimi që do ndërtohen nga miqtë e ardhur nga Turqia me porosi të presidentin Erdogan në zonën e Laçit që njerëzit të kthehen në shtëpi më të mira se ato që kanë pasur. Ky është zëvendësimi i godina të rrënuara dhe do të jetë një transformim i rëndësishëm i gjithë situatës urbane.
Agjencia e angazhuar për këto 500 njësi, do vazhdojmë me një plan zhvillimi për të gjithë infrastrukturës. I japim zgjidhje edhe përmbytjeve në zonën e Laçit. Të dyja palët do ndajnë punën dhe në një kohë të shkurtër do krijojmë në shembull. E falenderoj me shumë mirënjohje ministrin dhe gjithë delegacionin që ka ardhur bashkë me të dhe përfaqësues të specializuar në programin e ndërtimeve me karakter social në Turqi”, tha ai.
