Nënpresidenti i Shteteve të Bashkuara, Mike Pence, mori të premten vaksinën kundër koronavirusit.
Ai mori dozën e parë të vaksinës Pfizer/BioNTech në Shtëpinë e Bardhë, së bashku me gruan e tij, Karen, dhe mjekun Jerome Adams. Ngjarja u transmetua drejtpërdrejt në televizion.
Pence tha se vaksina është “e sigurt dhe efektive” dhe se shpejtësia me të cilën është zhvilluar është “mrekulli mjekësore”.
Në lidhje me vaksinën pas marrjes së dozës së parë Pence ka thënë se nuk ndjeu asgjë.
“Unë nuk ndjeva asgjë. Te lumtë. Ne e vlerësojmë shumë shërbimin tuaj ndaj vendit”, iu drejtua ai mjekut që i bëri vaksinën.
Shtëpia e Bardhë tha se transmetimi i vaksinimit të Pence në televizion ka për qëllim “të promovojë sigurinë dhe efikasitetin e vaksinës dhe të krijojë besim te populli amerikan”.
SHBA-ja ka nisur të hënën vaksinimin e popullatës me vaksinën Pfizer/BioNTech.
