Nëna e futbollistit të famshëm Cristiano Ronaldo, ditën e djeshme u dërgua me urgjencë në spital për shkak të një goditjeje në tru.
Fatmirësisht gjendja e nënës së Ronaldo-s është stabilizuar dhe lidhur me këtë ngjarje futbollisti ka reaguar përmes një postimi në Twitter.
“Faleminderit për të gjitha mesazhet dhe mbështetjen për nënën time. Ajo është stabilizuar dhe po kurohet në spital. Unë dhe familja ime dëshirojmë të falenderojmë ekipin e mjekëve që u kujdesën për rastin e saj dhe me mirësjellje ju kërkojmë të na jepni pak privatësi këtë periudhë”, shkruan Cristiano Ronaldo.
