Në një moment kur të gjithë shqiptarët presin me padurim qershorin për hapjen e negociatave me BE-në filluan dhe deklaratat kundër Shqipërisë. Presidenti serb Aleksandër Vuçiç parashikon një rezultat negativ për Shqipërinë dhe Maqedoninë në samitin e Këshillit të Evropës që do të mbahet në fund të qershorit për hapjen e negociatave ndërmjet dy vendeve. Megjithëse qeveritë e të dy vendeve kanë pritshmëri shumë pozitive për një datë të fillimit të negociatave, Vuçiç beson se Maqedonia, ashtu si Shqipëria, do të marrin vetëm pëllëmbë mbi sup për ti inkurajuar që të punojnë më fortë, spektra.com.mk.
“Në një situatë shumë të pafavorshme janë Maqedonia dhe Shqipëria, të cilat, siç supozohet në qershor, do të vlerësohen disi mirë për të mos thënë se janë në një fatkeqësi dhe se nuk kanë marrë asgjë, për këto dy vende nuk do të lejohet të hapen negociatat,” deklaroi presidenti serb për gazetarët në Baku, vend në të cilin ai po zhvillon një vizitë zyrtare. TIRANA TODAY
