Vijojnë replikat e kryeministrit Edi Rama ndaj kreut të opozitës, Lulzim Basha, sa i përket bllokimit të negociatave nga BE.
Rama ka postuar në Facebook një foto ku krahason deklaratën e presidentit të Komisionit Evropian në largim, Jean-Claude Juncker me atë të Bashës.
“Refuzimi i Shqipërisë dhe Maqedonisë së Veriut është një gabim historik. Nëse duam të respektohemi, duhet të mbajmë premtimet”, është shprehur më herët Juncker për refuzimin e negociatave.
Nga ana tjetër Rama citon këtë deklaratë të Bashës: “Vendimi për të mos hapur negociatat është dështim i qeverisë shqiptare”.
