Pas diskutimeve me grupet parlamentare, Partia Socialiste dhe opozita në parlament kanë ndryshuar formulën e Komisionit të Reformës Zgjedhore.
Komisioni do të përbëhet nga 10 anëtarë, ku pjesë e saj do të jenë edhe 4 anëtarë të opozitës së re.
Mësohet se anëtarët e Komisionit të Reformës Zgjedhore nga Partia Socialiste do të jenë Damian Gjiknuri, Blerina Gjylameti, Bashkim Fino, Klotilda Ferhati dhe Alket Hyseni. Sa i takon anëtarëve të Komisionit të Reformës Zgjedhore nga opozita e re, ata janë Rudina Hajdari, Andi Përmeti, Ralf Gjoni dhe Nimet Musaj.
