Ditën e sotme pritet që Këshilli i Evropës të japë verdiktin final për hapjen ose jo të negociatave për Shqipërinë dhe Maqedoninë e Veriut. Për këtë çështje ka folur edhe kryeministri i Holandës, i cili ka shfaqur skepticizëm për këtë proces, veçanërisht ndaj vendit tonë.
Kryeministri holandez Mark Rutte theksoi se të gjithë i kanë parasysh përpjekjet dhe arritjet që ka bërë deri tani Shqipëria, por shtoi se kjo nuk mjafton për një përgjigje pozitive ndaj negociatave.
“Të gjithë i kemi të qarta përpjekjet e Shqipërisë dhe të Maqedonisë së Veriut. Shqipëria ka bërë shumë punë, por ka ende për të bërë. Shqipëria ka një rrugë pak më të gjatë për të bërë. Gjithsesi ajo ka bërë shumë progres”, deklaroi Rutte.
