Kryeministri i Holandës, Mark Rutte, ka shprehur qartë mendimin e tij sa i përket hapjes së negociatave për Shqipërinë, për anëtarësimin në BE.
Pas takimit me kancelaren gjermane Angela Merkel, kryeministri Rutte tha se është shumë i shqetësuar nga situata në Shqipëri, duke u shprehur se nuk ka parë shumë progres. Madje ai shton se Shkupi ka bërë më shumë progres se sa Tirana.
“Sa i përket Shqipërisë dhe Maqedonisë së Veriut, ne jemi akoma të shqetësuar, së bashku me disa shtetet të tjera, më pak për Maqedoninë e Veriut dhe më shumë për Shqipërinë. Ne po pyesim veten se sa progres ka bërë Shqipëria? Ne do ta adresojmë këtë çështje javët në vijim me partnerët tanë evropiane. Por ne jemi shumë të shqetësuar për mungesën e progresit. Maqedonia e Veriut ka bërë më shumë se Shqipëria, por diskutimet vazhdojnë”, deklaroi kryeministri i Holandës.
