Ambasadori i Austrisë, Christian Steiner është shprehur se e mbështet çeljen e negociatave për Shqipërinë.
Gjatë një deklarate në Shkodër, ai tha se shpreson se shpreson që Shqipëria të marrë një përgjigje pozitive për hapjen e negociatave në Samitin e Zagrebit.
“Shpresojmë për më të mirën, dhe vendimi për hapjen e negociatave të ndodh shumë shpejt. Një aspekt shumë i rëndësishëm është mbështetja që jep Austria në procesin e integrimit evropian të Shqipërisë dhe shpresojmë që të kemi nisjen e hapjes së negociatave për anëtarësim sa më shpejt. Për ne është shumë i rëndësishëm është edhe aspekti i Sigurisë dhe Bashkëpunimit të Evropë, ku këtë vit Shqipëria ka marrë edhe kryesimin e OSBE-së që është një hap shumë i rëndësishëm dhe po bënë një punë të mirë”, tha ai.
Ambasadori austriak dha këtë deklaratë nga Shkodra gjatë kumtesës të organizuar nga Ambasada Austriake në Shqipëri dhe qendra Arka në Shkodër.
