Tetë deputetë të Parlamentit të Holandës ndodhen në Shqipëri në lidhje me negociatat për integrimin në Bashkimin Europian. Gjatë qëndrimit në Tiranë, ata janë takuar me Kryeministrin Edi Rama dhe ministrin e Jashtëm Ditmir Bushati.
Deputetët holandezë do të hartojnë një raport për Parlamentin e vendit të tyre në lidhje me ecurinë e 5 prioriteteve kyçe. Në muajin Qershor pritet që shtetet anëtare të Bashkimit Europian të votojnë rekomandimin e Komisionit Evropian, nëse Shqipërisë do të hapen negociatat për anëtarësim.
Delegacioni drejtohet nga Malik Azmani që i përket partisë për Liri dhe Demokraci ndërsa anëtarë janë Anne Mulder po nga e njëjta parti. Kees Verhoeven nga partia Demokratët 66, Bram Van Ojik të Gjelbrit e Majtë, Frank Futselaar Partia Socialiste, Stieneke Van der Graaf Unioni Kristian, Mr Pieter Omtzigt partia Kristian Demokrate dhe Jeffrey Van Haaster.
