Një 33-vjeçar është arrestuar në flagrancë pasi u kap në dalje të Pogradecit, duke transportuar 5 emigrantë të paligjshëm.
Shtetasi S.K, iu kishte premtuar atyre kalimin drejt vendeve të BE, kundrejt fitimit prej 300 euro secilit.
”Shtetasi i mësipërm, është kapur nga shërbimet e policisë në dalje të qytetit të Pogradecit, duke transportuar në drejtim të Tiranës me mjetin tip “Volkswagen”, 5 emigrantë të paligjshëm të cilëve kundrejt fitimit prej 300 euro secilit, iu kishte premtuar kalimin drejt vendeve të BE-së’’, informon policia.
Operacioni policor i koduar ”Perimetri’’, u finalizua nga Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, Sektorin e Policisë Rrugore dhe Komisariatin e Policisë Pogradec.
Materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve”.
https://www.facebook.com/policiashtetitshqiptar/videos/2884139745205711/
