Deputeti Kujtim Gjuzi, pas pjesëmarrjes në protestë për Teatrin, ka marrë rrugën drejt qytetit bregdetar të Vlorës.
Ndryshe nga situata e tensionuar në Tiranë, Gjuzi i është drejtuar Vlorës, ndërsa tregon se po shijon detin.
Mëngjesin e sotëm, Gjuzi u shfaq në mbështetje të qytetarëve dhe artistëve. Por ai është përzënë nga qytetarët dhe aktivistët, duke thirritur në turmë ‘Turp, turp, turp’, duke mos e pranuar në radhën e protestuesve. Madje ata i kanë kërkuar atij që të dorëzojë dhe mandatin që ka marrë pas braktisjes së kuvendit nga opozita.
Gjuzi tha para protestuesve që të mos bëjnë presion, dhe se ai është një nga mbrojtësit e Teatrit.
“Unë jam një nga nismëtarët dhe mbrojtësit e Teatrit që prej 20 vitesh. Kam ardhur nga Vlora menjëherë këtu. I bëj thirrje deputetëve të opozitës parlamentare të vijnë këtu dhe të mbështesin këtë kauzë”, tha Gjuzi.
