Kryeministri britanik Boris Johnson ndodhet në gjendje të stabilizuar. Ai aktualisht është duke u trajtuar me oksigjen. Lajmi është përcjellë nga qeveria britanike, e cila ka zbuluar detajet në lidhje me shëndetin e kryeministrit. Zëdhënësi i tij ka thënë për mediat se Boris Johnson merr frymë pa ndihmën e aparaturave.
“Boris Johnson është duke marrë frymë pa ndihmën e aparaturave në kujdesin intensiv dhe nuk ka pneumoni”, sipas njoftimit zyrtar nga “Downing Street”. Zëdhënësi i kryeministrit tha se Johnson ishte “në gjendje të qëndrueshme gjatë natës, dhe mbetet në humor të mirë”, pasi kishte marrë “trajtimin standard të oksigjenit”.
Johnson gjithashtu nuk ka nevojë për një ventilator mekanik, përkundër shqetësimeve në rritje për shëndetin e tij.
