Lindja e Mesme tashmë është kthyer një bombë me sahat, pas vdekjes së gjeneralit kryesor të Ushtrisë së Iranit, Qasem Soleimani. Kujtojmë që gjenerali iranian ishte një nga figurat kyçe të ushtrisë iraniane. Ai u eliminua në një sulm ajror amerikan, i urdhëruar nga Presidenti i Shteteve të Bashkuara të Amerikës, Donald Trump.
Nga ana tjetër, Irani ka folur për hakmarrje. Nisur nga tensionet e krijuara së fundmi, Shtetet e Bashkuara të Amerikës kanë urdhëruar të gjithë shtetasit amerikanë që të largohen nga Iraku menjëherë.
Lajmi është bërë publik nga gjiganti mediatik CNN. Gjithashtu, zyrtarët amerikanë kanë udhëzuar qytetarët amerikanë në Irak të qëndrojnë larg ambasadës, pasi mund të ketë luftime të tjera, pas sulmit të së martës.
#Iraq: U.S. citizens in Iraq or concerned about loved ones in Iraq can contact the Department of State at 202-501-4444 or toll-free in the U.S. at 888-407-4747. Avoid the U.S. Embassy in #Baghdad. Monitor local and international media for updates. pic.twitter.com/jt8hcBU6uH
— Travel – State Dept (@TravelGov) January 3, 2020
