Ish-deputeti i PD, Edi Paloka, ka replikuar me kryeministrin Rama, pasi ky i fundit kërkoi ndjesë publike mbrëmjen e djeshme. Duke i kujtuar faktin se kryeministri është aktiv në rrjetet sociale, ai e ironizon se në mëngjes i shan njerëzit dhe në darkë u kërkon ndjesë.
Paloka e konsideron kreun e qeverisë si një njeri të ç’ekuilibruar, që nuk di ç’bën. Po sipas tij, ai është një frikacak që fshihet pas Facebook-ut, pasi nuk ka guxim të përballet me qytetarët.
Kryeministri Rama u kërkoi ndjesë të gjithë atyre personave të cilët janë ndjerë të ofenduar. Por ai sqaron se nuk ka qenë aspak qëllimi i tij.
Statusi
Në mëngjes në facebook, në drekë në facebook, në darkë në facebook. Udhëheq ushtrinë e profileve fallco që paguan me paratë e shqiptarëve për t’i kundërvënë ndaj kujtdo që nuk ështe dakord me Edi Ramën. Në mëngjes i shan njerëzit me “libër shpie”, në darkë u kërkon ndjesë. Dhe e nis çdo ditë nga e para sipas shprehjes që i shkon më shumë “ujku qimen e ndërron, por zakonin s’e harron”. Në fakt, nuk është vetëm një i ç’ekuilibruar, që nuk e di ç’bën. Është një frikacak që fshihet pas facebookut, pasi nuk ka këllqe të dalë në debat të vërtëtë as me qytetarët, as me kundërshtarët politikë.
