Gazetari Eni Ferhati, në emisionin ‘Real Story’ zbuloi disa detaje të pathëna për Operacionin Forca e Ligjit. Ai tha se ndër 250 subjektet e para me të cilat ka filluar punën OFL, janë dhe disa personazhe shumë të dëgjuar kohët e fundit. Ferhati shtoi më tej se në korridoret e policisë po përfliten disa emra.
Debati
Eni Ferhati: Drafti u hodh poshtë nga ndërkombëtarët. Sigurisht kishte shumë nene shqetësuese. Disa pika dmth që një kryekomisar mund të përgjonte kryeprokurorë dhe gjyqtarë dhe kjo u hodh poshtë.
Ermonela Felaj: E ke gabim se dhe sot policia bën përgjime me autorizim të prokurorit në mjedise publike, se lidhet me sigurinë dhe me nevojën. Se përndryshe çfarë kuptim do të kishte.
Eni Ferhati: Znj.Felaj i bëri një paraqitje aktit normativ që kemi sot në tryezë. Nuk përmendi dy pika. Sot ka nisur shpërndarja e formularëve që preken nga ky subjekte dhe janë 250. Në korridoret e policisë po përfliten emra, dhe janë disa që janë dëgjuar shumë kohët e fundit. Absolutisht kjo është shumë e mirë. Do të shohim se deri ku do të shkojë steka. Se nëse kapet një që ka trafikuar 10 kg hashash, dhe ka bërë hotelin në Lezhë atëherë nuk është sukses.
I është lënë një afat subjektit për 48 orë të vërtetojë dhe deklarojë pasurinë. Ne kemi rastet e prokurorëve dhe gjyqtarëve që kanë muaj dhe prap i mungon një faturë apo diçka. Neni 18, gjyqtari do të vendosë në dhomë. Në momentin që nuk ka palë, palës tjetër i është mohuar e drejta. Përbën shumë problem. Ndërkohë për të folur për kompetencat e Drejtorit të Përgjithshëm i cili do të jetë i paragjykuar për emrat që do të vendosë. Është fakti që në 2009, me miratimin e ligjit anti- mafia ka një raport për sekuestrimet dhe rezulton se 70% i janë kthyer.
