Partia Socialist ka bërë kërkesë për të shtyrë afatet e punimeve të Komisionit të Reformës Zgjedhore deri në datën 5 Maj. Deputeti i PD-së, Myslim Murrizi është shprehur kundër tha se me këtë kod zgjedhor marrin mandatin e deputetit ata që janë servilë të kryetarëve.
“Sjellin në këtë sallë ata që janë vemje e servilë ndaj kryetarit. Të tre bashkëkryetarët e reformës zgjedhore ishin bërë synet nga gjuha dhe nuk thanë asnjë fjalë për shumë kohë. Si i keni bërë Bashkitë, për popullit apo për partitë?. Unë e di mirë që dashuria e parë nuk harrohet. Nuk është keq të harrohet dashuria e bashkëkryetarit tuaj me bashkëkryetarin tonë.
Doni të merrni dhe këtë, por ky nuk është ish-ministër. Dy ish-ministra na keni punësuar në grupin tuaj si teknikë. Dy ish-ministra na i keni punësuar në Bankë, dy në OSBE”, tha Murrizi, që nuk pranoi të djegë mandatin.
Sa i përket blerjes së votave dhe oligarkëve, Murrizi tha se të njëjtën gjë ka bërë dhe Berisha.
“Tani flisni për oligarkë, kështu fliste dhe doktori kur ishte në pushtët, kështu bëni dhe ju tani i merrni këta tanët dhe i fusni në punë. Merrni dhe oligarkët dhe iu jepni tenderë, janë të njëjtët njerëz. Opozita nuk zgjidhet, por ne jemi këtu dhe nuk kemi frikë as nga SPAK as nga BKH.
Edhe ti zoti Gjiknuri do të ftosh ata që janë qytetarë të lirë, se janë si ju. Kërkoni këtë lloj aleance për të mbajtur njëri-tjetrin. Ca është në të mirë të qytetarëve për të hapur negociatat do ta votojmë, ca është marrëveshje për të mbajtur njëri tjetrin ne nuk do ta votojmë”.
