Kryeministrin Edi Rama ka folur sot ne foltoren e Kuvendit, ku përsëriti se Basha kërkon pushtet në tavolinë.
Rama tha se tashmë opozita kërkon të hyjë sërish në Kuvend, ndërsa shtoi se tashmë nuk do ia japë më mundësinë Bashës që të futet në lojë, siç bëri në 2017-ën.
Duke ironizuar akuzat e opozitës për blerjen e votave, kryeministri deklaroi se PS mundi Berishën me Jozefinën dhe Ridvan Boden, duke lënë të kuptohet se mundja e Bashës me Salianjin dhe Dumën është farë e lehtë.
Ndër të tjera, Rama tha se qeveria do bëjë të mundur që emigrantët të votojnë, si dhe është gati të testohet votimi elektronik.
Fjala e Ramës:
Ata dolën jashtë dhe tani duan të futen brenda, kjo është gjëja më e çuditshme. Ikën vetë tani shtyjnë policët të futen brenda, unë nuk e di.
Ajo që duhet bërë është pyetja pse dolën? Dolën nga parlamenti kur iu mbaruan fjalët, vezët, boja dhe zgjodhën të dalin në rrugë me idenë se do të marrin zvarrë gjithë Shqipërinë.
Janë mësuar të fitojnë pa qenë shumicë. As në 2009, as në 2008 nuk keni qenë shumicë, tani thonë po ikim fare dhe po marrim komplet qeverinë.
Ju dhamë juve mundësinë që të rifuteni në lojë, nuk do t’ua japim më këtë mundësi. Kryetari juaj mori zotimin që përkundër ministrive, drejtorive, do të pranonte verdiktin e sovranit. Kush do të fitonte, do të qeveriste, kush do humbte do rrinte në opozitë dhe jo më bojë e zezë për Shqipërinë. Kaq ju kërkuam ne. a ka një shqiptar që e ka ndjekur politikën qoftë dhe një ditë që mund të besojë që ne që mundëm Saliun, kur ai kishte shtetin, i përdorte mekanizmat si hordhi dhe kur në nuk nxirrnim dot votën tonë nga kutia, u dashka të blejmë vota për të mundur Lulin?
E mundëm në 2007, në 2011, e mundëm në 2015. Tani si, mundëm Saliun me Jozefinën e Ridvan Boden dhe nuk mundim dot Lulin me Salianjin dhe Grida Dumën? Jeni në vete ju?
Zgjedhje të parakohshme se na ka mbetur fallxhorja pa rrogë, nuk ka. Të vazhdojë të hedhi fall dhe të paguajë filxhan për filxhan. Këtu jo. Tani, që të kthehemi te reforma zgjedhore, ne e kemi shumë të qartë. S’e kemi futur ne si kusht për një proces skanimi për çeljen e negociatave, e kanë futur ata me partitë simotra në Berlin dhe ne e kemi mirëpritur. Për t’i dhënë fund administratës zgjedhore politike dhe për ta kthyer në një administratë të depolitizuar.
Vota e shqiptarëve jashtë atdheut, jemi gati ta bëjmë këtë dhe do ta bëjmë këtë duan apo s’duan. Do bëjmë edhe diçka tjetër, votimin elektronik, jemi gati të provojmë teknologjinë offline për zgjedhjet./ Tirana Today
