Dalin detaje të reja lidhur me dy vëllezërit indianë, të shpallur në kërkim ndërkombëtar për pastrim parash.
Mësohet se dy vëllezërit Nitin dhe Chetankumar Sandesara janë larguar nga Shqipëria më 20 mars 2019, nga aeroporti i Rinasit me avion ‘Charter’.
Po ashtu, sipas BalkanWeb, pas kontrolleve të kryera është faktuar se Nitin Sandesara kishte hyrë në Shqipëri nga Rinasi me Charter me 3 mars, ndërsa Chetankumar kishte hyrë në Shqipëri nga Rinasi me një linjë që vinte nga Parisi me 1 nëntor 2018.
Gjykata në New Delhi ka miratuar kërkesën për ekstradim të bërë nga prokuroria, për dy vëllezërit Nitin Sandesara dhe Chetankumar Sandesara. Ata akuzohen për pastrim parash në shifra që kapin vlerën e rreth 725 milionë dollarëve.
