Florenc Çapja, i dyshuar për dy vrasje, është arrestuar në Dubai, dhe pritet që në ditet në vijim të nisë procedura e ekstradimit.
Arrestimi i tij, vjen një muaj pasi u largua nga Shqipëria në mënyrë enigmatike, ditën që u arrestua vëllai i tij, Ardian Çapja.
Çapja ishte shpallur në kërkim ndërkombëtar, pasi dyshohet se është porositësi dhe organizatori i vrasjes së Nezir dhe Gentian Beqirit, në vitin 2012.
Vrasja e Gentian dhe Nezir Beqirit, është krye nga Çapjat për hakmarje pasi Gentiani, ishte një nga tre autorët që ekzekutoi me automatik në dhjetor 2005, Sokol Çapjan.
Emri i Ardian dhe Florenc Çapjas në lidhje me vrasjen e dyfishtë doli pas rrëfimit të bashkëpunëtorit të drejtësisë, Ervis Bardhi. Dëshmia e Bardhit u konsiderua e besueshme nga Prokuroria, teksa ai ka treguar me detaje mënyrën e vrasjes dhe faktin që ka marrë 50 mijë euro për të kryer krimin.
