Një 44-vjeçar i shpallur në kërkim ndërkombëtar, u arrestua nga policia në Fier.
Edison Mërtiri, i cili kishte dhe tre emra të tjerë, (Edison Prifti) (Adison Prifti) (Artan Budo), ishte dënuar në Itali për prostitucion dhe emigrim të paligjshëm.
”Arrestimi i këtij shtetasi u bë pasi Gjykata e Torinos/Itali e ka dënuar me 8 vjet e 3 muaj e 20 ditë, për veprën penale “Grup kriminal me qëllim shfrytëzim prostuticioni si dhe organizator për emigrim të paligjshëm”, informon policia.
Kapja dhe arrestimi i tij u bë nga Policia e Fierit në bashkëpunim me Interpol Tirana.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
