Ish-deputeti Dashamir Shehi është i mendimit se ndryshimi i pushtetit nuk duhet të vijë përmes forcës. Sipas tij, duhet të përgatiten kushtet që të bëhen zgjedhje.
“Ne s’kemi dalë e kemi thënë se ndryshimi i pushtetit do bëhet me pushkë, me molotov apo duke djegur institucionet se kjo nuk ka logjikë, por ama duhet të përgatiten kushtet që të bëhen zgjedhje se votime bënte dhe Enver Hoxha”, tha Shehi.
Sakaq, Shehi, në një prononcim për “TCH”, kërkon që kryeministri Rama dhe Lulzim Basha të ulen përballë njëri-tjetrit, por këtë herë jo të vetëm.
“Mes shqiptarëve s’kemi arbitra. Fatkeqësisht duhet t’i delegojmë një pjesë të sovranitetit tonë të huajve.
…Ne jemi për marrëveshje të madhe politike. Basha ulet me secilin që përfaqëson kryetarin e partisë. Do jetë Rama apo ndonjë tjetër, punë për të.
Do ia lëmë vjeshtës kur do jetë më pak vapë dhe tension dhe do gjykohen me gjakftohtësi këto pune. Do më pëlqente që gjërat të vendosen sipër tavolinës ndryshe do ishte zhgënjim i madh”, deklaroi ish-deputeti.
