Kreu i Urgjencës Kombëtare, Skënder Brataj, thotë për A2 se gushti do të jetë muaji më i keq sa i përket përhapjes se infeksionit nga Covid-19. Tirana është zona më e nxehtë e infeksionit, e ndërsa ka edhe numrin më të madh të viktimave nga COVID-19.
“Çdo lirim masash nga maji deri tani, ka pasur pas 2-3 javësh pikun e të infektuarve dhe shtrimeve në spital, dhe terapinë intesive. Edhe kjo periudhë është moment piku dhe do të vazhdojë për 2 javë patjetër”, tha Brataj.
Ai zbuloi ndër të tjera se spitalet rajonale dhe ata bashkiake, janë përgatitur për të trajtuar pacientë të prekur nga COVID-19.
“Në bazë të ligjit për sëmundjet infektive, të gjithë spitalet bashkiake dhe rajonale janë të detyruar të kenë një hapësirë të dedikuar që garanton izolimin, diagnostifikimin e të sëmurëve me COVID. Menaxhimi deri tani është bërë nga COVID 1 dhe 2, ndërsa këto spitale po japin mbështetjen”, shtoi Brataj.
