Rezistenca që ka bërë gjatë këtyre ditëve populli shqiptar, duket se ka dhënë rezultatet e pritshme lidhur me parandalimin e koronavirusit.
Kryeministri Rama ka përcjellë për qytetarët grafikun, teksa dëshmon se qëndrimi në shtëpi dhe kufizimi i daljeve, ka sjellë që numri i të infektuarve të njohë një trend në zbritje.
Madje Rama mbetet shpresëplotë se të gjithë bashkërisht do t’ia dalim, duke zbatuar me rigorozitet të gjitha urdhërat.
Parandalimi në masë i kësaj pandemie arrihet duke mos lëshuar për askënd, e duke vijuar me këtë jetesë deri në izolimin e COVID-19.
“Kurba e përditësuar sot, me ndihmën e Zotit dhe rezistencën e madhe të të gjithëve ju, ne do t’ia dalim po nuk lëshuam asnjë centimetër vijën tonë të hekurt të mbrojtjes”, shkruan Rama.
Shqipëria ndodhet në shtetrrethim, e ndërsa daljet për qytetarët janë kufizuar. Po një masë shtrënguese është ndërmarrë edhe për të moshuarit, të cilët janë grupmosha më me risk.
