E shtunë, 18 Shtator, 2021
21.5 C
Tirana

Në ditëlindjen tënde Azem, dy të vërteta po ti them  

Nga: Kreshnik Spahiu

I dashur Azem,

Atë natë mbërita i pari në shtëpinë tënde. Ishte terr dhe qielli gjëmonte më fort se krismat e kallashnikovit.

Ishte nata ku mijëra demokrat shpërthyen në vaj. Rreth orës 16.00 më telefonove dhe më the të takoheshim në mbrëmje, pasi do ktheheshe nga mitingu në Muzeqen e Myslym Murrizit.

Ti u ktheve por si gjithmonë të kishin zënë prit në oborrin e PD, këtë radhë për të të larguar pērgjithmonë nga ëndrrat e tua.

Krismat e kallashnikovit më bënw të vrapoja drejt familjes tënde. Nuk doja që ata të ishin vetëm.

Atje gjeta Kirin dhe Rudinēn të përlotur rreth Fatmirës e cila mbante Azemin e ri ende 6 muajsh brenda saj.

Nuk do t’i harroj kurrë sytë e Rudinës. Janë identik të pandryshuar edhe sot.

Në sytë e saj lexoja trishtim, panik, melankoni, vuajtje, dhimbje dhe hakmarrje!

Shumë gjëra rrodhën dhe kohēt ndryshuan.

8 vite pas vrasjes tënde, në parti u shfaq një djalosh, mik i familjes Berisha. Kishte punuar përkthyes 1 vit në Mitrovicë.

Erdhi dhe mori plot dhurata. Ditën e parë të punës mori dy rroga. Një si minister, dhe rroga tjetër si deputet.

I dashur Azem ti e krijove dhe u flijove për atë parti, por Berisha s’të lejoj kurrë të bëheshe ministër.

Tashmë erdhi koha e maskarenjve, e atyre që ti si njohe kurrë dhe fatmirësisht as dorën nuk u ke dhënë në jetë.

Në Shqipëri u kthye edhe një tjetër emigrant, që prej shumë vitesh drejton Shqipërinë.

Ai quhet Edi Rama, i cili me kursimet si emigrant ka blerë një fshat dhe është jo vetëm lider i shqiptarëve, por e qujnë lider global.

Të dy emigrantët që ti nuk i njohe kurrë, Luli dhe Edi janë dyshja më e dashur, por dhe më të urryer për popullin.

Pas disa vitesh vajza jote e shkëlqyer, Rudina braktisi Washingtonin dhe profesionin, për t’u ngujuar në çadrën e tradhtisë.

U ngujua 90 ditë sepse besoi që kauza e një “Republike të Re” po frynte në Shqipëri. Në fund ajo çadër u mbyll me gjith kauzat, për të hapur një epokë të re: Koalicionin historik teknik PD-PS.

Lexo edhe :   “Basha fle gjumë edhe kur ecën”, Spahiu i nxjerr foton

I dashur Azem, Shqipëria s’ka ndryshuar aspak, madje ka shkarë poshtë e mē poshtë, por PD-ja ka ndryshuar 100%.

Aty nuk ndodhet askush nga ata që le pas. Disa u vranë, disa vdiqën në aksidente, disa ikën emigrantë, dhe gjithë themeluesit e tjerë janë papunë rrugëve. 100% e themeluesve të vitit 1990 i largoi.

I ka fshirë nga faqja e dheut Doktori, që vazhdon të jetë kryetar por vetëm ka ndryshuar zyrën dhe i jep rrogën Lulzim Bashës që t’i hapë dhe mbyllë derën.

E kam të vështirë ta pērshkruaj protretin e Lulzimit se ai s’ka as ngjyrë dhe as pigment.

Lexo edhe :   “Basha fle gjumë edhe kur ecën”, Spahiu i nxjerr foton

Nuk është as prej mishi dhe as prej gjaku. Thjesht një produkt hybrid, si përzierje e kauçukut me plastelinën.

Dje Berisha kërcënoi Rudinën. Tentoj ta fyente rëndë, ashtu siç di ai. Dje ai tha: “Rudina është e bija e të jatit”. Nuk e fshehu urrejtjen që ka pasur dhe ka ende për ty. Më pas deklaroi se: “Rudinën do e ndjek fati i Myslym Murizit”

Ata janë sërish rrugve dhe protestojnë, se nga 1.2 milion votues janë katandis në 300 mijë.

Nuk janë më as të thjeshtë dhe as të varfër. U pasuruan shumë.

Kanë aq shumë para sa s’ka bankë zvicerane që t’iu depozitojë.

Pretentojnë se kanë nisur Revolucion, por studentët në dhjetorin e dytë e përzun, Lulin, Edin, edhe Saliun.

PD nga partia e rinisë është shndëruar partia e pleqve,

Nga partia e qytetare, është bërë totalisht provinciale,

Nga parti pro amerikane, sot ka gjithë perëndimin kundër saj.

Gëzuar ditëlindjen Azem, ishe me fat që nuk e njohe kurrë as Lulin, dhe as Edi Ramën.

Shqipëria pret që Rudina të vazhdojë kauzën për një Shqipëri ndryshe, që nuk mundëm ta bënim unë dhe ti.

Por nëse sot do ishim bashkë, ata s’do ishin aty!

Të lutem Azem, mos e lejo Rudinën ta nxjerrin në pritë si ty.

 

- Reklama -

Më shumë nga kategoria




Të fundit

“Të kërkojë falje ose të largohet”, Rama paralajmëron ashpër ministrat

Kryeministri Edi Rama ka mbledhur mesditën e sotme kabinetin e ri qeveritar në mbledhjen e parë, ku do të miratohen disa vendime. Rama i...

Betohen në Presidencë, Qeveria nis zyrtarisht mandatin e tretë

Pas betimit te presidenti Ilir Meta, kryeministri Edi Rama dhe ministrat e kabinetit të ri qeveritar vendosën të ecnin në këmbë përgjatë Bulevardit Dëshmorët...

Betimi i kabinetit qeveritar/Rama dhe ministrat betohen para Metës

Kryeministri Edi Rama ka mbërritur pak çaste më parë në Presidencë, ku bashkë me anëtarët e kabinetit qeveritar do të betohet para kreut të...

Miliarderi amerikan shpallet fajtor për vrasje

Trashëgimtari amerikan i pasurive të paluajtshme Robert Durst, subjekt i dokumentarit të krimit HBO The Jinx, është dënuar për vrasjen e mikes së tij...

Kurti lë pas inatet me Ramën dhe e uron për mandatin e tretë

Dje kryeministri i Kosovës, Albin Kurti, i ka dërguar një letër të hapur homologut të tij shqiptar, Edi Rama, duke e uruar për mandatin...