Shumica e studimeve thonë se vetëm pas gjashtë muajsh të jetës bebet fillojnë të përjetojnë emocione të vërteta. E para? Gëzimi.
Për dekada të tëra, psikologët pyesin se cila është koha kur njeriu fillon të përjetojë emocionet e para. Disa studiues besojnë se emocionet janë një lloj pakete e parformuar e pranishme tek fëmijët që nga lindja. Sidoqoftë, shumica argumenton se në fillim të jetës janë të pranishëm vetëm pararendësit dhe se për emocionet e vërteta mund të flitet vetëm nga gjashtë muaj e tutje.
Emocione universale. Ky vizion i dytë nënvizon gjithashtu se emocionet nuk shfaqen të gjitha bashkë, por me një sekuencë të saktë, duke filluar nga ato universale: së pari gëzimi, pastaj zemërimi, më në fund frika dhe trishtimi.
Vetëm më vonë, me disa shenja pas vitit të parë të jetës, por në veçanti nga mosha pesë ose gjashtë vjeç, të ashtuquajturat emocione sociale fillojnë të manifestohen tek fëmijët, si turpi, sikleti, xhelozia, zilia, faji.
Po pas 7 vjetësh? Këto janë, në fakt, disponime më komplekse, të cilat nënkuptojnë një vetëdije më të madhe dhe një aftësi më të rafinuar për të vlerësuar ngjarjet.Për këtë arsye, vetëm pas gjashtë ose shtatë vjetësh fëmijët fillojnë të përjetojnë edhe më shumë emocione në të njëjtën kohë.
