Në burg kush shkel ligjin/ Braçe ia kthen qytetares: S’kemi drejtësi, ndaj jemi në këtë gjendje!

Zëvendës kryeministri Erion Braçe, në postimin e tij të radhës, ku flet për të gjithë abuzuesit që shkelin ligjin se do të përfundojnë në burg, ka tërhequr një mori komentesh. Qytetarët mjaft të zhgënjyer i kërkojnë llogari se çfarë është bërë deri më tani, ku kriminelët bëjnë ligjin, e ndërsa drejtësia duket se është e pafuqishme. Në statusin e ndarë me ndjekësit në Instagram, Braçe shkruan se ligji është mbi të gjithë, dhe i barabartë për secilin.

 

View this post on Instagram

 

Une as i tregoj e as i dua #Burgun kerkujt! Sidomos cilitdo qe qofte edhe modestisht mendon! Por #Ligjin, kujt #vodhi e perseri do vjedhe, kujt #dhunoi e perseri do dhunoje, kujt #dogji e perseri do djege, kujt #vrau e perseri do vrase, patjeter qe ja tregoj! Ndodh kudo ku ka qytetare qe sulmohen nga politika e vjedhjes, dhunes, djegies dhe vrasjes se gjithkujt qe eshte nje qytetar qe beson vec tek #ligji! E di qe ka qorre e shurdhe qe e perqeshin kete, mbeshtetur fort te sistemi i pandeshkueshmerise hem kur vjedh e hem kur vret! Por ka nje dite, nje dite, kur ligji eshte mbi te gjithe dhe i barabarte per secilin. Ku eshte fundi qe duhet te mendoje gjithkush, si ta doni, politikisht apo ligjerisht! Dite te mire e te paqte; Mos harroni, #Divjaka eshte 50 minuta larg prej Tiranes!

A post shared by Erjon Brace (@erionbrace) on May 10, 2019 at 11:27pm PDT

Ndër komentet, spikat edhe shqetësimi i një qytetareje, ku Braçe ka zhgjedhur që ti përgjigjet. Ajo kërkon të dijë se pse nuk janë prapa hekurave ato figura politike që janë të përfshirë në ngjarje kriminale.

“Atehere pse te gjithe ato figura politike qe jane akuzuar me ze dhe me figure per vjedhje në shifra te medha dhe perfshirje ne ngjarje kriminale, nuk jane prapa hekurave po shqiptaret i shohin rendom ne intervista televizive? Cfare edukimi i jepet femijeve ne Shqiperi qe ne vend qe te kete emisione edukimi, shembuj njerezish te suksesshem me forcat e tyre ne arsim, pune profesionale, duhet te shohin gjithe diten te njejtat figura politike qe flasin per drejtesi e vec te drejte nuk jane, flasin per varferi ama llogarite e tyre bankare jane me shume shifra te majme ?! Fatkeqesisht burgu sot po denon ate me te pambrojturin dhe jo njerezit qe i kane shkaktuar deme te medha Shqiperise”, shkruan ajo.

Në kundërpërgjigje, Braçe nënvizon se në Shqipëri ende nuk ka drejtësi, pasi mbizotëron pandëshkueshmëria. Sipas tij, politika duhet të çojë reformën përpara, dhe se nuk duhet të ndërhyjë në prokurori e gjykatë.

erionbrace @jessicallozhi “Jess po ti e di shume mire, bashke e kemi ndare kete fakt: ne Shqiperi ende nuk ka Drejtesi-gelon pandeshkueshmeria. Nese administrativisht ka nje perpjekje dhe ajo me insistim te madh, penalisht perpjekjet lene per te deshiruar, posacerisht ne nivelin e larte duke krijuar korracen e forte te pandeshkueshmerise. Politika ka vec nje lidhje ketu, te coje reformen perpara, asgje tjeter. Politika nuk duhet te fuse hundet ne prokurori e gjykate, te kunderten vuajme sot! Politika ka dhene instrumentin dhe ai instrument duhet te funksionoje drejt e shpejt, pa pengesa nga te tjere ne politike”.