Kryetari i PD-së, Lulzim Basha ka përshëndetur deklaratën e misionit të KiE në lidhje me zgjedhjet vendore të 2019.
Përmes një postimi në Twitter, Basha tha se me këtë deklaratë KiE vërtetoi se zgjedhjet e 30 qershorit kanë qenë të cunguara. Ai shtoi se vendi e ka jetike zhvillimin e zgjedhjeve të lira për t’i kthyer qytetarëve qeverisjen legjitime.
“Përshëndes deklaratën e Misionit të KiE që ritheksoi se në 30/06 nuk pati zgjedhje,se pushteti vendor sot nuk është pluralist, dhe as i qytetarëve. Beteja më jetike sot është për zgjedhje të lira dhe të ndershme, për t’i kthyer qytetarëve qeverisjen legjitime qendrore dhe vendore”, shkruan Basha në postimin e tij.
Kongresit të Autoriteteve Lokale dhe Rajonale të Këshillit të Evropës doli me një deklaratë të fortë ku theksoi se në zgjedhjet e 30 qershorit “nuk ka demokraci funksionale në nivelin kombëtar dhe nuk ka një demokraci pluraliste dhe të gjallë në nivelin lokal”.
