”Ndryshimi do vijë”/ Basha nga Dibra: Do rihapim filialin e universitetit

Kryetari i Partisë Demokratike, Lulzim Basha ka vijuar takimet elektorale në kuadër të zgjedhjeve parlamentare të 25 prillit, teksa ditën e sotme është ndalur në qytetin e Dibrës.

Teksa është pritur me entuziazëm nga qytetarë të shumtë, Basha u ka premtuar dibranëve rihapjen e filialit të universitetit të Dibrës.

Ndër të tjera, Basha u shpreh se do të sjellë ndryshimin në Dibër dhe në të gjithë Shqipërinë, duke bërë të mundur anëtarësimin e vendit në BE.

Lulzim Basha: “Së shpejti do ta rimarr vendimin. Me hapjen e filialit këtu në Peshkopi të Universitetit. Siç e tha dhe një nga intelektualët , Dibra ka qenë universitet para se të kishte universitet. E pra, do ta kthejmë arsimin shtyllën e të ardhmëve të fëmijëve tanë. Pas tetë vitesh shtrëngata dhe dimri pas tetë vitesh premtimesh të mbajtura dhe dështimet a do t’ja hapni më derën të keqes? Së bashku i prij ndryshimit që kërkon Dibra dhe e gjithë Shqipëria. Ndryshim në ekonomi, ndryshim për sipërmarësit e vegjël, ndryshim në arsim, për fermërët duar artë dibranë. Ndryshimi që prisni nga unë dhe ekipi im, ndryshimin që prisni Shqipërinë anëtare të Bashkimit Europian”.