Pandemia ka ndryshuar shumë rregulla në botën e futbollit, duke filluar me 5 zëvendësimet në ndeshje e duke mbaruar me mospraninë e tifozëve në stadiume.
Por një tjetër ndryshim duket se do të hyjë në fuqi duke filluar nga sezoni i ri, të paktën në Britaninë e Madhe.
Federata Angleze e futbollit ka vendosur se do të ndëshkohen me karton të verdhë lojtarët, që kolliten me qëllim në afërsi të kundërshtarit, ose gjyqtarit të takimit.
Specialistët britanikë e cilësojnë këtë si një masë të domosdoshme për t’u vendosur, për të shmangur përhapjen e pandemisë.
