Partia Demokratike dhe Lëvizja Socialiste për Integrim kundërshtuan sot me forcë zgjedhjen e kryeprokurores së re të përkohshme, Arta Marku. Me 69 vota pro Marku u betua si kryeprokurorja e re e përkohshme e Shqipërisë. Në media para votimit doli lajmi se Marku është një propozim i deputetëve socialistë dhe u tha se është njeri i tyre (lajmin e plotë lexoje këtu).
Deputeti i PS-së, Pjerin Ndreu po përpiqët që të vërtetojë të kundërtën. Me anë të një statusi në rrjetin social “Facebook”, Ndreu shkruan se kryeprokurorja e re vjen nga një familje e djathtë dhe se nusja e saj e dajës është ish-deputetja e Partisë Demokratike, Albina Deda.
Pjerin Ndreu shton se pavarësisht kësaj rrënje familjare, mazhoranca e votoi, pasi beson në aftësitë e saj profesionale.
“Megjithëse me prejardhje të djathtë, ajo rrjedh nga familjet më të nderuara të atyre zonave, përveç integritetit profesional, që nuk ka jurist të berishizuar që ta vërë në diskutim!!!”,- shkruan Pjerin Ndreu ndër të tjera.
