Ish-sekretari i Përgjithshëm i Ministrisë së Brendshme, Plarent Ndreca, ka deklaruar në emisionin “Opinion” se qeveria e Edi Ramës është më e mira që Shqipëria ka patur në 30 vitet e fundit.
Ai tha se qeveria ka bërë punë të mirë edhe në bashkëqeverisjen me LSI-në, kur në psotin e Ministrit të Drejtësisë ishte Yli Manjani, edhe ky i fundit i ftuar në studio, i cili e ironizoi deklaratën e Ndrecës, duke u shprehur se “e kanë ndritur”.
Pjesë nga biseda në studio:
Ndreca: Qëllimi i zgjedhjeve është të zgjedhë qeverinë më të mirë. Nëse ka ndonjë aktor në treg që ofron qeverisjen më të mirë, sigurisht që është Edi Rama. Ka rezultatet më të mira, është qeveria më e mirë që kemi patur në këto 30 vite, me problematikat e saj.
Manjani: Krahasuar me qeverinë e ’38 edhe më mirë akoma, se me ato statistika jemi duke shkuar.
Ndreca: Ajo pjesë e qeverisë kur zoti Manjani ka qenë ministër Drejtësie, unë mendoj që ka qenë qeverisja më e mirë referuar produkteve që ajo ka sjellë për shqiptarët.
Manjani: E kemi ndrit, e kemi ndrit!
Blendi Fevziu: Zoti Manjani nuk e pranon as vetë këtë.
Ndreca: Zoti Manjani nëse i bie hasha asaj që ka bërë, por unë kam qenë në qeveri me zotin Manjani dhe e di se çfarë ka bërë.
